Izakhazimi zakoBulawyao zithi ziphakathi kwelitshe lembokodo ngoba ikhansili yalelidolobho ilokhu iqhubekela phambili ngokuvimba yonke imizamo eziyenzayo ukuthi ziziphilise, ikakhulu ngokugeca izilimo emasimini alinywa kulelidolobho ngoba kuthiwa asendaweni ezingekho emthethweni njalo okungamelanga zilinywe.
Izakhamizi zithi labazama ukuthengisa okunengi-nengi bayathathelwa impahla zabo ngesizatho esifanayo. Ngakwelinye icele, ikhansili ithi imithetho yayo isobala njalo abephula imithetho bayakwazi ukuthi bazajeziswa.
UMnu. Ambrose Sibindi, isiphathamandla se Bulawayo Progressive Residents Association utshele uSithandekile Mhlanga we Studio 7 ukuthi kufanele ikhansili idingele abantu ezinye indawo lapho abangalima khona njalo bethengisele khona ngokusemthethweni.