Umthethwandababa waphezulu owe High Court ngoLwesihlanu, unqume ukuthi amapholisa aqinise ukudingisisa ngokunyamalala kwentathelizindaba u-Itai Dzamara, obikwa wathunjwa ngabantu abangaziwayo ekuqaliseni kwayonale iviki, njalo azise umthethwandaba lo kabili ngeviki ngomsebenzi wabo kulodaba.
Lokhu kulandela isicelo esikhwezwe kulumthethwandaba ngumka Dzamara uNkosikazi Sheffra Dzamara izolo.
Kodwa igqwetha lika Dzamara uMnu. Charles Kwaramba utshele iStudio 7 ukuthi umahluli walile ukuthi uDzamara adingwe emajele lenkambeni zamasotsha ensitha, ngoba lokhu kungaphazamisa ezomvikela elizweni.
Amabandla ezombusazwe kanye lenhlanganiso ezizimeleyo sezichothoze ukuthunjwa kukaDzamara njalo abanye bethesa uhulumende umlandu.
Ukuze sizwe okunengi ngaloludaba, uSithandekile Mhlanga weStudio 7 uxoxe loMnu. Charles Nyoni ilunga leqembu elikhokhelwa nguDzamara ele Occupy Africa Unity Square, elikhankasela ukuthi umongameli Mugabe etshiye umbuso ngoba esehlulekile ukuvuselela umnotho welizwe.
Your browser doesn’t support HTML5
Ingxoxo loMnu. Roderick Fayayo