Amahofisi kamsekeli kaMongameli uMnu Emmerson Mnangagwa agqekeziwe ngoLwesibili kusehlakalo esicatshangelwa ukuthi silokwenza lokulwisana okuqhubekela phambili kubandla leZanu PF.
Amaphephandaba kahulumende athi abenze lokhu babhoboze isikhala ku-ceiling yalihofisi.
Akukazakali ukuthi kukhona okuntshontshiweyo na kumbe hatshi. Amapholisa athi asadingisisa ngaloludaba. Kubikwa kungokwesine ukuthi ihofisi kaMnangagwa igqekezwe.
Isehlakalo lesi siza kulokulwisana okukhulu kubandla leZanu PF phakathi kwecele elinakanelwa ukuthi lisekela uMnangagwa lelinye elizibiza ngokuthi yiG40.
Kunsukwana ezedluleyo umphathintambo obona ngezemidlalo uMnu Makhosini Hlongwane uthole kulohlamvu lombobho ehoteleni abehlala kuyo.
Iingcwethi kwezombusazwe uMnu Nkululeko Sibanda utshele iStudio 7 ukuthi kusobala ukuthi ukugqekezwa kwehofisi kaMnangagwa kwenziwe yizitha zakhe kuZanu PF.
Your browser doesn’t support HTML5
Ingxoxo loMnu Nkululeko Sibanda