Idolobho lako Bulawayo libikwa likhulumisana leziphathamandla zikahulumende ukwenzela ukuthi zincedise ekubhadaleni isikwelede se Zimbabwe Electricity Supply Authority esifika phose izigidi ezilitshumi zamadola eMelika.
UMayor wakoBulawayo uMnumzana Thaba Patrick Moyo uthi iZESA lokhe ifuna ukuthi idolobho leli libhadale phose izigidi ezine zamadola eMelika ukwenzela ukuthi kube lomlilo kagetsi eLarge City Hall, eRevenue Hall lezinye indawo zekhansili ezacitshelwa amandla kagetsi ngeviki ephelileyo.
UMoyo uthi idolobho leli lingenelisa ukubhadala inkulungwane eziyisithupha zamadola eMelika ngenyanga ukwenzela ukuvala isikwelede lesi kodwa iZESA kayifuni ukwamukela imali le. Inkampani le ifuna izigidi ezine zamadola eMelika.
Uphinde wathi ikhansili isikhulumisana lomphathintambo wezemali uMnu. Tendai Biti kanye lomphathintambo we Energy uMnumzana Elton Mangoma ukwenzela ukuthi zonke izikwelede ezenziwa zingatsha zikahulumende koBulawayo zibhadale isikwelede se ZESA.
UMoyo uthi ikhansili ingeke yabhadala izigidi ezine zamadola eMelika eZESA ngoba layo kayibhadalwa zingatsha zikahulumende, abantu makhaza lamankampani asebenzisa amanzi acengwa lidolobho lako Bulawayo.
Idolobho LakoBulawayo Liyala Ukubhadala iUS$4 Million Efunwa yi ZESA
ZIM89JS7,13 Colonnaded City Hall building with clock tower, lush lawns and trees; business people walk past. Bulawayo, Zimbabwe. Copyright Tropix (J. Schmid)