Okhokhela abehluli bedale le High Court, uChie Justice uphawule okusemthethweni umnyaka wokusebenza ku 2015 - i Legal year, ekhuthaza abasebenza kwezomthetho ukuba behlukane lokungathembeki baqhube umsebenzi ngendlela efaneleyo.
Emazwini akhe kulomkhosi owenzelwe e Harare lamuhla,u Chief Justice Chidyausiku uncome umsebenzi oqhutshwe ngomantshi kanye labehluli bamadale ehlukeneyo ngomnyaka odluleyo. Waveza ukuba phakathi kwabehluli abane athi basebenze ngendlela encomekayo, abathathu babo ngabesifazane. Uphinde wancoma njalo imisebenzi yedale le High Court koBulawayo ngaphansi kobukhokheli buka Justice Matema.
UChidyausiku uveze ukuba abehluli baqhube kuhle umsebenzi ngesikhathe bebhekane lobunzima bokusilela kokudingakalayo emsebenzinivwabo.
UChidyausiku uveze ukuba udaniswe yisimo semadale esigabeni senkabazwe lapho umsebenzi omuhle oke waqhutshwa nguJustice Takuva ngesikhathi esebenzela eGweru lapho asuswa wasiwa kwesinye isigaba ngomnyaka ka 2013.
Umahluli, u Justice Rita Makarawu utshele i Studio Seven ukuthi kumele silungisiswe isimo somsebenzi kuhlangothi lwabathetha amacala elizweni ukwenqabela izehlakalo zokungethembeki - i Corruption.
UMnu. Dumiso Dube osebenza ezimele njenge Immigration Consultant ngomunye okade kulomkhosi. Wamukele ngenjabulo umbiko ka Chief Justice Chidyausiku ethi uveze indlela abathetha amacala emadale abasebenza ngayo.
UDube ukhuthaze uhulumende ukuthi aphange alungisise isimo sokusilela kokudingakalayo kuhlangothi lwezemithetho ukuze kweqatshelwe izehlakalo zezilingo kulabo abaphatha umsebenzi emadale.
Uveze ukujabulela ukuba basesekhona abasebenza ngokuzinikela njengalokho okuvezwe ngabe High Court yako Bulawayo lanxa into zimi manzonzo,wakhuthaza abasilela kumisebenzi yabo ukuba bathathe umzekeliso omuhle otshengiswe ngabanye babo.
Lokhu kusekelwe ngumkhokheli we Law Society of Zimbabwe – President,umnumzana Lloyd Mhishi oncome ukubethwa kwamagama abaqhube kuhle labasilela emsebenzini wabo kuyindlela ephathisa ekuthini bangaze bayekethisa emisebenzini yabo labo okumele bawuphathe lapha emadale.
Amadale e Magistrate ilizwe lonke anconywa kakhulu phezu komsebenzi wokwehlisa inani lamacala abe kulamadale esukela ku 49 000 esiya kwawedlula kancinyane ayi 2000.
Unconyiwe njalo lo Justice Hungwe phezu kokuba ube ngowesihlanu ilizwe lonke ukuqhuba umsebenzi oncomekayo.
UChidyausiku uthi le kube yinguquko enkulu ejabulisayo nxa ekhangela imbali ka Hungwe lapho bebehlezi bexoxisana kokuphela phezu kokuba aguqule indlela abesebenza ngayo,asebenze kancono.
Uveze ukuba ujatshuliswa yikuba phakathi kwabahluli abane be High Court ababethwe ngamagama ukuba basebenze ngendlela encomekayo ukwedlula abanye bonke nyakenye,abathathu babo kungabesifazane.
Laba ngababalisa uJustice Moyo,uJustice Chigumba, kanye loJustice Matanda Moyouhulumende.
Unconyiwe laye uJustice Mathonsi ukuba usebenze ngendlela encomekayo kuwonalo umnyaka ophelileyo ka 2014 lanxa umumo bewungemuhle.
Intathelizindaba yethu uMavis Gama usethulela loludaba ngokugcweleyo.
Your browser doesn’t support HTML5
Udaba Silethulelwa nguMavis Gama