Idale lephalamende liqala ngoMvulo ukuthapha imibono kazulu ngoluhlu lokusetshenziswa kwemali kahulumende – ibudget yomnyaka ozayo. Amalunga edale leli akhangelelwe ukuthi azasungula uhlelo lolu eKariba, eChinhoyi, Kwekwe leGweru ngoMvulo ekuseni engakayi kwamanye amadolobho.
Amanye amalunga la akhangelelwe ukuthi azakwenza imihlangano lozulu ezabelweni zeMatabeleland kusukela ngoLwesibili.
Kulabanye abathi imihlangano le kayincedi lutho ngoba uhulumende uzilungisela ugwalo lokusetshenziswa kwemali yelizwe engathathi imibona eyethulwe nguzulu.
UNkosazana Thabitha Khumalo, umkhokheli wamabandla aphikisayo edale lephalamende, uthi kuqakathekile ukuthi abantu beze ngobunengi babo kule imihlangano.
Your browser doesn’t support HTML5
Ingxoxo loNkosazana Thabitha Khumalo
Siphinde saxoxa loMnu. Joseph Tshuma, owayelilunga ledale lephalamende emele iPelandaba Mpopoma ekubandla leZanu PF, laye ogcizelela ukuqakatheka kohlelo lolu.
Your browser doesn’t support HTML5
Ingxoxo loMnu. Joseph Tshuma