HARARE —
Idale le Constitutional Court linqume ukuba uMnu Mutumwa Mawere yisizalwane seZimbabwe ngoba yena labazali bakhe bazalelwa khona. Idale linye lidlulisele phambili ukuhluzwa kwesicelo sikahulumende sokuthi usuku lokhetho ludluliselwe phambili.
UChief Justice Godfrey Chidyausiku utshele idale ebeligcwele nswi ukuba yena labanye omahluli abayisitshigalo mbili bakhe bathethe leli nyathelo njengoba kusobala ukuba kunengi okumele kukhangelwe ekuhluzeni lesi sicelo.
Igqwetha ebelimela umkhokheli welinye lamacele eMDC uMnu Welshman Ncube, uAdvocate Thabani Mpofu utshele intathelizindaba ukuthi lokhu sekusitsho ukuba lulakho ukungena njalo edale loludaba.
Kuthi igqwetha ebelimela inhloko kahulumende ongumkhokeli welinye lamacele eMDC, uMnumzana Morgan Tsvangirayi, uMnumzana Selby Hwacha uthi ludluliselwa phambili loludaba ngoba sekumele lubekwe ndawonye lezinye ezifanayo.
Igqwetha likamphathintambo wezemithetho uMnumzana Patrick Chinamasa,uMnumzana Freddy Gijima, uthi khona bezahlala phansi blandele iziqondiso zedale. Idale linqume ukuba indaba zabathathu laba, uChinamasa, uNcube kanye loTsvangirayi zibanjaniswe kube ludaba lunye anduba luhluzwe lolu daba.
Kolunye udaba oluhluzwe emthethwandaba munye, idale le Constitutional Court linqume ukuba uMnumzana Mutumwa mawere uyisizalwane seZimbabwe.
Esethula lesi sinqumo ngemva kokubonisana labanye omahluli, uChidyausiku uthi kasikho isizatho sokwalela uMawere ukuthi abe yisizalwane sakuleli ngoba engozalelwe eZimbabwe njalo labazali bakhe bazalelwa kuleli lanxa yena esehlala kwele South Africa.
Edabeni lomkhokheli webandla leZimbabwe Development Party uMnumzana Kisinoti Mukwazhe lokuba abamabandla wonke ezombusazwe kumele batholiswe imali yokusebenzisa nguhulumende ngesikhathi kulungiselelwa ukhetho kungakhathalekile ukuba balosekelo olufunwa ngumthetho, lulahliwe lanxa idale lingasatshongo izizatho.
Ngasikhathi sinye udaba lukaMnumzana Tavengwa Bukaibenyu lokucela idale ukuba livumele zonke izizalwane ezikwamanye amazwe ukuphatheka kukhetho ludluliselwe phambili.
UChidyausiku uxwayise amaqgwetha ka Bukaibenyu ukuba alubambanise loluka Chinamasa loludaba ngoba lufana.
Indaba ezibalisa oluka Nkosikazi Maria Phiri kanye loluka Nixon Nyikadzino lazo zidluliselwe phambili ngasizatho sinye sokuba lubanjaniswe lezinye indaba ezifanayo eziphezu kokhetho.
UChief Justice Godfrey Chidyausiku utshele idale ebeligcwele nswi ukuba yena labanye omahluli abayisitshigalo mbili bakhe bathethe leli nyathelo njengoba kusobala ukuba kunengi okumele kukhangelwe ekuhluzeni lesi sicelo.
Igqwetha ebelimela umkhokheli welinye lamacele eMDC uMnu Welshman Ncube, uAdvocate Thabani Mpofu utshele intathelizindaba ukuthi lokhu sekusitsho ukuba lulakho ukungena njalo edale loludaba.
Kuthi igqwetha ebelimela inhloko kahulumende ongumkhokeli welinye lamacele eMDC, uMnumzana Morgan Tsvangirayi, uMnumzana Selby Hwacha uthi ludluliselwa phambili loludaba ngoba sekumele lubekwe ndawonye lezinye ezifanayo.
Igqwetha likamphathintambo wezemithetho uMnumzana Patrick Chinamasa,uMnumzana Freddy Gijima, uthi khona bezahlala phansi blandele iziqondiso zedale. Idale linqume ukuba indaba zabathathu laba, uChinamasa, uNcube kanye loTsvangirayi zibanjaniswe kube ludaba lunye anduba luhluzwe lolu daba.
Kolunye udaba oluhluzwe emthethwandaba munye, idale le Constitutional Court linqume ukuba uMnumzana Mutumwa mawere uyisizalwane seZimbabwe.
Esethula lesi sinqumo ngemva kokubonisana labanye omahluli, uChidyausiku uthi kasikho isizatho sokwalela uMawere ukuthi abe yisizalwane sakuleli ngoba engozalelwe eZimbabwe njalo labazali bakhe bazalelwa kuleli lanxa yena esehlala kwele South Africa.
Edabeni lomkhokheli webandla leZimbabwe Development Party uMnumzana Kisinoti Mukwazhe lokuba abamabandla wonke ezombusazwe kumele batholiswe imali yokusebenzisa nguhulumende ngesikhathi kulungiselelwa ukhetho kungakhathalekile ukuba balosekelo olufunwa ngumthetho, lulahliwe lanxa idale lingasatshongo izizatho.
Ngasikhathi sinye udaba lukaMnumzana Tavengwa Bukaibenyu lokucela idale ukuba livumele zonke izizalwane ezikwamanye amazwe ukuphatheka kukhetho ludluliselwe phambili.
UChidyausiku uxwayise amaqgwetha ka Bukaibenyu ukuba alubambanise loluka Chinamasa loludaba ngoba lufana.
Indaba ezibalisa oluka Nkosikazi Maria Phiri kanye loluka Nixon Nyikadzino lazo zidluliselwe phambili ngasizatho sinye sokuba lubanjaniswe lezinye indaba ezifanayo eziphezu kokhetho.