Imibiko ephume kumisakazo kahulumende eyeZimbabwe Broadcasting Corporation ithi kulabantu phose abangamatshumi amabili -16 ababulewe ngumkhuhlane wecholera kusukela ngenyanga edluleyo.
Umkhuhlane lo ubikwa uqhamuke esigabeni seMarange njalo ubikwa uhlasele abantu phose amakhulu ayisikhombisa -669. Ugatsha olubona ngezempilakahle lubikwa lusebenza gadalala ukuvimba ukumemetheka komkhuhlane lo ngalesisikhathi sokuna kwezulu.
UBrenda Moyo weStudio 7 ukhulume loMnuzana Nicholas Moyo obona ngenhlelo zamanzi kunhlanganiso ye UNICEF othi uzulu kumele aqakathekise ukuzivikela ekuthatheni umkhuhlane wecholera ngokusebenzisa amanzi ahlanzeklileyo, langokuhlanzeka nje emizini.