Izakhamizi zeChitungwiza zethulele umasipala lohulumende izikhalazo zazo zokwephulwa kwamalungelo azo ngendlela abahlezi ngayo zidilizelwa izindlu kanye lokungagcwaliswa kwendingeko zazo ngesikhathi ilizwe linanza ilanga lamalungelo abantu ele International Human Rights Day.
Leli nyathelo zilithethe ngemva kombuthano wokunanza leli langa owenzelwe emzini weZengeza ngoLwesithathu ukhokhelwa yinhlanganiso ye Chitungwiza Residents Trust imanyene lenhlanganiso yamagqwetha eye Zimbabwe Lawyers for Human Rights kwadluliselwa ugwalo olulotshwe amagama ezakhamizi ezifika ku nkulungwane ezilitshumi 10,000 ku masipala laku DA walindawo .
Umqondisi we Chitungwiza Residents Trust umnumzana Marvelous Khumalo uthi bazaphinda beyonikeza ugwalo olufanayo lakwezinye ingatsha zombuso:
Uthi injongo yikutshengisa uhulumende ngokutshaphazwa kwamalungelo abantu ikakhulu be Chitungwiza abahlala bedilizelwa izindlu zabo mahlayana.UKhumalo uthi olunye udubo abahlala bekhonona ngalo njengezakhamuzi yikusilela kwemazi:
Ngaphansi kwamalungelo abantu emhlabeni umuntu wonke ulelungelo lokuthola ukudla okwenelayo, izindlu ezilungele ukuhlala, amanzi ahlanzekileyo, impilo lempilakahle phakathi kwamanye inengi lawo esetholakala ekusisekelo sombuso selizwe esitsha.
Inhlanganiso ezitshiyeneyo ezigoqela I CHRA,I Vendors Union Zimbabwe, le Centre for Community Development ziphatheke lazo kusehlakalo sangoLwesithathu.