Iqembu le Chicken Inn yilo eliphakamise inkezo yalonyaka eye Independence Trophy ngemva kokunqoba ele Highlanders nge 2 ka 1 emdlalweni obusenkundleni ye National Sports Stadium.
Iqembu leChicken Inn lihlohlelwe nguObadiah Tarumbwa kanye loMitchell Katswairo kuthi eleHighlanders lihlohlelwe nguBruce Kangwa.
Emidlalweni ye semi final edlalwe ngoMgqibelo iqembu le Chicken Inn linqobe ele Dynamos nge 1 ka nya ikanti iqembu le Highlanders linqobe ele FC Platinum nge 3 ka 1 ngemva kokutshaywa kwembekwa.
Umdlalo we final udlalelwe enkundleni ye National Sports loba nje ubuphakathi kwamaqembu ako Bulawayo i Chicken Inn le Highlanders.
Emdlalweni wokudinga iqembu eliphutshe likundawo yesithathu odlalelwe enkundleni ye White City iqembu le FC Platinum linqobe ele Dynamos nge 2 ka nya.
Iqembu le FC Platinum lona lihlohlelwe ngu Obrey Chirwa kanye loWellington Kamudyariwa kodwa lumdlalo awulihambelanga kuhle ngoba lilinyalelwe ngabadlali abathathu abagoqela unozinti uFrancis Tizayi yena olimele isandla, uIshmael Wadi yena othunukele lapho alimala khona ngoMgqibelo lapho iqembu lakhe litshaywa ngele Highlanders.
Omunye umdlali weqembu le FC Platinum ongasaqedanga umdlalo ngu Last Sithole yena ogxobe kubi ngesikhathi ehambela ibhola ebelisemoyeni.
Iqembu leDynamos belilabadlali abane kuphela ebhentshini njalo umqeqetshi walo uPaolo Silva uthi lokhu kungoba kube labadlali abasuke baba ngamahlongandlebe phambilini komdlalo.
Akasathandanga ukubabetha ngegama labobadlali esithi ufuna ukuqala ebikele abaphathi beqembu ngaloludaba.
Your browser doesn’t support HTML5
Ezemidlalo lilo Joseph Njanji