Inkokheli yebandla ele-Citizens Coalition for Change, eyedale laphezulu ele Citizens National Assembly, yazise ukuthi izaqhuba uhlelo lokukhulumisana lozulu ngokumele bakwenze.
Lokhu kuza ngemva kokuvinjwa kwamalunga alelo bandla ukuphatheka kukhetho lwama-by elections.
Ekhuluma lentathelizindaba eseHarare, isikhulumeli sebandla leCCC uMnu. Promise Mkhwananzi uthe bazakwazisa intathelizindaba nxa sebephume lesinqumo ngemva kohlelo lwabo lokuzwa imibono kazulu ngokuthi baqhubeke besephalamende lakumakhansili na, loba ukuthi bahle baphume.
Your browser doesn’t support HTML5
Ingxoxo loMnu Promise Mkhwananzi ngesinqumo seCitizens National Assembly.
Ekhuluma leStudio7 ekoBulawayo, osakhulayo owebandla leZanu-PF uNkosazana Antonella Nare uthi ibandla leCCC kumele liqoqeke hatshi ukupha amanye amabandla umlandu.
Your browser doesn’t support HTML5
Ingxoxo loNkosazana Antonella Nare ngesinqumo seCitizens National Assembly.
IStudio7 iphinde yaxoxa njalo lolandela ezombusazwe njalo eyisikhulumeli sebandla leZapu uMnu Mthulisi Hanana othi amalunga ebandla leCCC kufanele aphume ephalamende njengoba ukuba khona kwawo kungalethi umahluko.
Your browser doesn’t support HTML5
Ingxoxo loMnu Mthulisi Hanana ngesinqumo seCitizens National Assembly.