EzeZimbabwe

ICCC Ekhokhelwa NguTimba Lithi Kuyayangisa Ukuthethwa Kuka Welshman Ncube Labanye Bakhe Ukuba Yinkokheli Yebandla Leli

  • Gibbs Dube

Amalunga ebandla leCCC.

Ukubala imbono yabantu

WASHINGTON — 

Abakucela leCitizens Coalition for Change (CCC) eliphansi kwelikhokhelwa nguMnu. Jameson Timba bathi kuyayangisa ukukhethwa kuka Mnu. Welshman Ncube, UMnu. Tendai Biti loNkosikazi Lynet Karenyi Konye ukuba betshintshane ukukhokhela ibandla leli kuze kwenziwa umhlangano okhulu oweCongress.

Kodwa abakucele likaMnu. Sengezo Tshabangu, othi ungunobhala jikelele wecele leli, bayakwala lokhu.

Ibandla leCC libike ngoMgqibelo ukuba selikhethe abathathu laba kulandela ukusuka komkhokheli wabo uMnu. Nelson Chamisa owathi selithethwe nguMongameli Emmerson Mnangagwa leZanu PF.

UMnu. Pashor Sibanda ukucele leli uvumelana ngokwenzakala kubandla leCCC elika Timba hatshi icele lika Tshabangu.

“Abantu laba bafana nje labadala abahlezi phansi kwesihlahla betshelana amanga kodwa belazi mhlophe iqiniso.”

SEE ALSO:

Ingxoxo Esiyenze loMnu. Pashor Sibanda

Kodwa uTshabangu uthi laba ngabantu abangaqedakaliyo.

“Bafana lomuntu ohlala endlini yomnikazi okwesikhatshana ozwakala esesithi usethethe indlu yomnikazi. Kuyafana njalo loluthi ilanga lingawa lidliwe zinyoni.”

SEE ALSO:

Ingxoxo Esiyenze loMnu. Sengezo Tshabangu

UChamisa okwamanje utshiye ibandla leli limanikiniki kulabanye abamele izigaba ezitshiyeneyo edale lephalamende lele Senate okungakhanyi ukuba basekela icele liphi.

UChamisa uzama ukusungula ibandla elizimeleyo.