Inhlanganiso eziqhuba inhlelo zokulwisana lokumemetheka kwegcikwane leHIV kanye lokuphila lomkhuhlane we-AIDS zikhuthazwe ukuthi zingabatshiyi phandle abakhubazekileyo kunhlelo lezi.
Umkhosi we-International Conference on AIDS and STIs in Africa (ICASA) uvulwe ngoMvulo mhlaka 4 Mpalakazi njalo ukhangelelwe ukugqitshwa ngoMgqibelo eHarare.
Umkhosi lo obuthanisa inhlanganiso ezitshiyeneyo zamazwe e-Africa ezilwisana lomkhuhlane lo uqhutshwa phansi kwendikimba ekhuthaza ukuthi kube lokulinganiswa kwabantu njalo kungabi lababandlululwayo.
Ekhuluma leStudio7 esemkhosini walonyaka we-International Conference on AIDS and STIs in Africa (ICASA) olwela amalungelo abakhubazekileyo njalo esebenzela esibhedlela seTsholotsho, uMnu Mthabisi Ngwenya uthe inhlelo ezinengi zibandlulula abagogekileyo.
Ukhuthaze inhlanganiso eziqhuba inhlelo zokucwayisisa imikhuhlane ethelelanwa emacansini ukuthi zigoqele abagogekileyo ukuze zithole ulwazi lwendingeko zabagogekileyo nxa kukhangelwa imikhuhlane le.
Your browser doesn’t support HTML5
Ingxoxo loMnu Mthabisi Ngwenya.wav