BULAWAYO —
Iqembu lomdlalo kanobhutshuzwayo ele Bulawayo Chiefs selifinyelele ukuyadlala esigabeni se Premier Soccer League ngemva kokunqoba esigabeni se Southern Region Division One.
Iqembu le Bulawayo Chiefs liphumelele ngemva kokuba lelo ebelincintisana lalo ele Black Boots libe ngutshiki lobhanqa 2 ka 2 lele Ntabazinduna ngoLwesithathu olwedluleyo okuyimpumela etsho ukuba iBlack Boots ayingeke yenelise ukulingana le Chiefs loba ingaze inqobe kumidlalo emibili esele layo kusigaba se Southern Region Division One.
Iqembu le Chiefs lilemiklomelo enagamatshumi ayisithupha (60) njalo kulimpelaviki lizathola imiklomelo emithathu lingazange likhahlele ibhola njengoba iqembu obekumele lidlale lalo ele Mkhosana selabeka induku phansi ngemva kokwehluleka ukubhadala imfanelo zeligi.
Iqembu le Black Boots lona lilemiklomelo engamatshumi amahlanu lesithupha njalo uma lingenelisa ukunqoba emidlalweni yalo emibili elisele layo lingabuthelela imiklomelo engamatshumi ayisithupha lambili okulinani elisilela ngomklomelo owodwa ukuze lilingane le Chiefs ekupheleni kwesizini loba iqembu le Chiefs lingadliwa emdlalweni walo owokucina elizawudlala le Hwange Juniors.
Ekhuluma lentatheli ngoLwesine emini unobhala jikelele weqembu le Bulawayo Chiefs u Dumisani Mantula Sibanda utshayele ihlombe umqeqetshi waleliqembu uThulani Sibanda ngokwenelisa ukungenisa leliqembu kusigaba saphezulu.
UMantula Sibanda uqhubekele phambili wathi uThulani, yena okewasuswa esikhundleni kwangena uRahman Gumbo, nguye ozaqeqetsha iqembu le Chiefs ndawonye lalabo akade evel esebenza labo abagoqela uAnzilom Ndlovu kanye lo Nkosiyazi Sibanda.
Uthe ulethemba elikhulu elokuba labadlali abangenise leliqembu kusigaba saphezulu bazawumela umdlalo kusigaba saphezulu.
Amanye amaqembu asephumelele ukuyadlala kusigaba se PSL esuka ku Division One ngathi iChapungu yona ebidlala kusigaba se Central Region kanye le Hippo Valley ebidlala ku Eastern Region.
Esigabeni sangenyakatho yelizwe ese Northern Region iqembu le ZPC Kariba yilo elikhokhelayo engalaneni yemiklomelo.
Iqembu le Bulawayo Chiefs liphumelele ngemva kokuba lelo ebelincintisana lalo ele Black Boots libe ngutshiki lobhanqa 2 ka 2 lele Ntabazinduna ngoLwesithathu olwedluleyo okuyimpumela etsho ukuba iBlack Boots ayingeke yenelise ukulingana le Chiefs loba ingaze inqobe kumidlalo emibili esele layo kusigaba se Southern Region Division One.
Iqembu le Chiefs lilemiklomelo enagamatshumi ayisithupha (60) njalo kulimpelaviki lizathola imiklomelo emithathu lingazange likhahlele ibhola njengoba iqembu obekumele lidlale lalo ele Mkhosana selabeka induku phansi ngemva kokwehluleka ukubhadala imfanelo zeligi.
Iqembu le Black Boots lona lilemiklomelo engamatshumi amahlanu lesithupha njalo uma lingenelisa ukunqoba emidlalweni yalo emibili elisele layo lingabuthelela imiklomelo engamatshumi ayisithupha lambili okulinani elisilela ngomklomelo owodwa ukuze lilingane le Chiefs ekupheleni kwesizini loba iqembu le Chiefs lingadliwa emdlalweni walo owokucina elizawudlala le Hwange Juniors.
Ekhuluma lentatheli ngoLwesine emini unobhala jikelele weqembu le Bulawayo Chiefs u Dumisani Mantula Sibanda utshayele ihlombe umqeqetshi waleliqembu uThulani Sibanda ngokwenelisa ukungenisa leliqembu kusigaba saphezulu.
UMantula Sibanda uqhubekele phambili wathi uThulani, yena okewasuswa esikhundleni kwangena uRahman Gumbo, nguye ozaqeqetsha iqembu le Chiefs ndawonye lalabo akade evel esebenza labo abagoqela uAnzilom Ndlovu kanye lo Nkosiyazi Sibanda.
Uthe ulethemba elikhulu elokuba labadlali abangenise leliqembu kusigaba saphezulu bazawumela umdlalo kusigaba saphezulu.
Amanye amaqembu asephumelele ukuyadlala kusigaba se PSL esuka ku Division One ngathi iChapungu yona ebidlala kusigaba se Central Region kanye le Hippo Valley ebidlala ku Eastern Region.
Esigabeni sangenyakatho yelizwe ese Northern Region iqembu le ZPC Kariba yilo elikhokhelayo engalaneni yemiklomelo.