Iqembu le Bulawayo City sikhulumanje lilemiklomelo emithathu ngemva kokudlala imidlalo emine kusigaba se PSL. Lokhu kutsho ukuba lilahlekelwe yimiklomelo eyithoba munwe munye kodwa umqeqetshi walo uPhilani “Beefy” Ncube uthi yena lesisimo kasiyethusi okokuthi iqembu lakhe selingabalelwa kulawo azagunyulwa ekupheleni kwesizini.
“Sisalakha iqembu lethu. Injongo yethu yikuqeda isizini siku number 10. Sidinga isikhathi nje kuphela ngoba kukhona lapho okumele silungisise khona kodwa khona kuyathembisa
UXolisani Moyo
Umbono ka Ncube usekelwe ngukaputeni weqembu le Bulawayo City uXolisani Moyo yena othi kumele abadlali baleliqembu badonse kanye kanye.
“Kumele sibambane lathi njengabadlali ngoba kuba khona isikhathi lapho abagadli abangaphani khona ibhola kodwa akusiyo indlela thina esidlala ngayo……..
Emdlalweni walo owakuqala iqembu le Bulawayo City libe ngutshiki lobhanqa 2 ka 2 lele How Mine kwathi kowesibili linqotshwe nge 1 ka nya liqembu le Tsholotsho.
Iqembu lenguqu ele Bulawayo City FC
Emdlalweni wesithathu libe ngutshiki lobhanqa lele ZPC Kariba 1 ka 1 kwaba ngesifanayo futhi kowesine lapho elibe ngutshiki lobhanqa 1 ka 1 leqembu le Highlanders.
NgoMgqibelo abafana bakaMasipala bazadibana leqembu eliphethe isicoco se PSL ele Chicken Inn enkundleni ye Luveve.
Kusenjalo inkokheli yeqembu le Chicken Inn yethule umbiko isazisa ngokutshiya umsebenzi komqeqetshi waleliqembu uJoey Antipas yena osezakuya sebenzela iqembu le AmaZulu ele South Africa.
Umbiko lo othunyelwe intathelizindaba zemidlalo uthi uAntipas uzakuma ukusebenza kuqembu le Chicken Inn ekupheleni kwenyanga kaNhlangula njalo uhamba lomsekeli wakhe uPrince Matore.
Bobabili laba badlale indima enkulu ekuphakamiseni inkezo ye PSL okwenziwe liqembu le Chicken Inn nyakenye ikanti imisebenzi yabo ibonakale ngesikhathi iqembu leli liphatheka kumncintiswano wokudinga intshantshu zezwekazi lase Africa lapho elijakadise khona iqembu le Mamelodi Sundowns ele South Africa.
Your browser doesn’t support HTML5
Ezemidlalo lilo Joseph Njanji