Iqembu leHighlanders libe ngutshiki lobhanqa 0 ka 0 leqembu elihlezi emsileni eleCranborne Bullets ngeSonto enkundleni yeBarbourfields.
Limpumela itsho ukuba iBosso isitshiywa ngemiklomelo eyithoba minwe mbili liqembu elihlezi phezu kwengalane eleNgezi Platinum Stars lona elilemiklomelo engamatshumi amahlanu lane kusithi eleHighlanders lilemiklomelo engamatshumi amane lesithupha.
Iqembu leHighlanders likhuthe lombekwa ngehlandla lakuqala elomdlalo njalo okhuthileyo ngunozinti uAriel Sibanda.
Kweminye imidlalo edlalwe ngeSonto iqembu leCaps United litshaye eleSheasham nge 1 ka nya ngaseNational Sports Stadium kuthi eleTriangle linqobe eleHwange nge 1 ka nya.
Iqembu leCaps United likhuphuke layahlala endaweni yetshumi lilemiklomelo engamatshumi amathathu lantathu ngokunqoba elikwenze ngeSonto, okuyimpumela ethuthukise amathuba alo awokusinda ekugunyulweni kusigaba saphezulu ekupheleni kwemidlalo yalonyaka.
Kusenjalo iqembu labesifazane elimela ilizwe leMalawi yilo eliphakamise inkezo yeCosafa ngemva kokunqoba elikwenze eleZambia nge 2 ka 1 namhla emini.
Iqembu leMozambique yilo eliphutshe lisendaweni yesithathu ngemva kokunqoba elikwenze eleZimbabwe nge 2 ka nya.