Abantu abangamatshumi amane basinde engozini yomgwaqo duzane ledolobho leGwanda ngoLwesithathu emadabukakusa ngemva kokuba ibhasi yeMzansi Express ebisuka eGoli isiya koBulawayo itshaye ubabhemi yasiphuma umgwaqo.
Impahla ethizwe yikubhewuka kwe trailer ...
Loba nje yona isele izimele, itolokisi letrailer ebelidonswa yile ibhasi libhewukile okudale umonakalo omkhulu wokubhlidlika kwempahla ebithwelwe.
Omunye walabo abakade besebhasini ongathandanga ukuvezwa igama uthi umtshayeli ebegijima ngesiqubu esiyingozi.
“Thina phakathi besingasaboni nex, noma kwenzakalani, noma kuphunywa aphi kugcwele intuthu, amaglass, sitshayana ngamakhanda lapha phakathi, ma emisa sidizzy sonke asazi noma bazosirefunder imali zethu ngoba iproblem ngekadriver and bamqandile abantu sowubalekisa kakhulu kazange amamele.”
Ibhasi ethuze ubabhemi duzane leGwanda.
UNkosazana Sharon Ngwenya, omunye wabakade besebhasini le, ubekhala ngokulahlekelwa yimpahla kodwa waphanga wathi inkalakatha yimpilo.
“… Okungidisayo yikuthi amagrocery lakho konke akukho kumoshakele. Kodwa ngiyajabula ukuthi kasifanga.”
Umgwaqo omkhulu osuka koBulawayo usiya eBeitbridge uhlezi ulengozi ezidalwa yizifuyo ezibalisa obabhemi kanye lenkomo. Abatshayeli balibhasi kabathandanga ukuxoxa lathi ngalingozi.
Your browser doesn’t support HTML5
Udaba Esilethulelwe NguAlbert Ncube
Kolunye udaba lwasedolobheni leGwanda, bekungabizwa ozwayo ngoLwesithathu kuvulwa ivinkili elithengisa ukudla okuphekiweyo elePizza Inn lakuqala kulelidolobho kanye lelinye njalo ivinkili lesibili eleChicken Inn.