Ibhanga elikhulu lelizwe iReserve Bank of Zimbabwe isifuna ukugumula izisebenzi ezizinkulungwane lamakhulu amahlanu ukwenzela ukuthi lingadiliki.
Abazi ngokwenzakalayo bathi ibhanga leli lifuna kusale izisebenzi ezingamakhulu amahlanu phakathi kwezizinkulungwane ezimbili njengoba lingasenelisi ukuziholisa.
Abanye abaqondisi bebhanga leli okumele baxotshwe umsebenzi babikwa sebethethe ngenkani izimota ezithize, okunye okusetshenziswa emawofisini kanye lemfukumfuku abenelisa ukuyithwala besesaba ukuthi lelibhanga lizehluleka ukubabhadala imali yokubagumula.
Ezinye izisebenzi sezibambisana indlela yokuhambisa loludaba emthethwandaba.
Umnu. Japhet Moyo umqondisi wenhlanganiso yezisebenzi eye Zimbabwe Congress of Trade Unions utshele uGibbs Dube we Studio 7 ukuthi bekuvele kusobala ukuthi ezinye izisebenzi ze RBZ zizagunyulwa umsebenzi.
