Lanxa ingcwethi kwezomnotho, zihlezi zikhankasela ukuba aguqulwe asebenze ezimele amankampani kahulumende angalethi nzuzo, iPrivatisation yena uthi akayi kwenza lokho kubhanga le-People’s Own Savings Bank-POSB, ngoba linceda abantu makhaza abanengi elizweni.
Lokhu kuvezwe ngumphathintambo wezemali umnumzana Patrick Chinamasa, emhlanganweni lentathelizindaba, esethula iboard entsha yePOSB, yamalunga ayisitshiyagalolunye, inengi kungabesifazane.
U Chinamasa uthi uhulumende ufisa ukulibona likhula lelibhanga, lisabalale ilizwe lonke kanye lasesigabeni sangezansi kwezwekazi leAfrica.
Kunje uChinamasa uthi ilizwe alilawo amabhanga amakhulu, akuleli, ngakhoke kuqakathekile ukuba uhulumende aphathise ekulithuthukiseni lelibhanga likhule.
Okhethwe ukuba ngumgcinisihlalo waleboard, unkosikazi Matilda Dzumbunu, uqonqosele ukuba bazimisele ukusebenzela uzulu, lithuthukiswe lelibhanga kube yilo elithandwa ngabanengi elizweni.
Umkhokheli we POSB, umnumzana Admore Kandlela uthi kunje selikusibanga esingcono kuqathaniswa leminyaka yabo 2009, lapho belingangenisi ngitsho lenzuzo.
UKandlela uthi ukhangelele ukuba liboard esanda kwethulwa, ezadonsa okweminyaka emithathu, izakusebenza gadalala ukulithuthukisa lelibhanga, kube ngelikhulu elizweni.
Lelibahnga libikwa kuyilo elilenani eliphezulu labantu abalisebenzisayo ukulondoloza imali kilo ukwedlula amanye wona asefika kunkulungwane ezingamakhulu amahlanu-500 000 okwamanje.
Abakhethwe ukuba kuleboard ekhokhelwa ngunkosikazi Matilda Dzumbunu, babalisa omnumzana Israel Ndlovu, Onias Jambwa, Ignatious Mvere, Admore Kandlela, Nkosikazi Nomsa Chindomu, Caecilia Nyamutswa, Monica Sarudzai Mureriwa, loPatience Shuro.
Your browser doesn’t support HTML5
Udaba lweboard entsha yebhanga lePOSB