Ibhanga elikhulu lelizwe ele Reserve Bank of Zimbabwe selinike amabhanga amathathu ayethathelwe amalicence imvumo yokuthi asengavuselela umsebenzi.
Ibhanga le RBZ linike imvumo amabhanga athi iRoyal Bank, Trust Banking Corporation kanye le Barbican Bank avalwa ngomnyaka ka 2004 esetheswa icala lokuqhuba inhlelo ezingekho emthethweni.
Imbiko etshiyeneyo ithi amabhanga la abekhangelelwe ukuqalisa umsebenzi ngoMvulo loba nje kungaziwa ukuthi aphiwe inotho yawo yonke ebibanjwe yi Zimbabwe Allied Banking Corporation.
Ingcwethi ecubungula ezenotho uMnu. Bekithemba Mhlanga utshele iStudio 7 ukuthi amabhanga la ayevele engephulanga mthetho yikho-ke sephiwe imvumo yokuthi asebenze ezimele wodwa.
