Iqembu lamalunga edale lephalamende leBhilithani ele Africa All Party Parliamentary Group selikhiphe umbiko othi akuzange kube lokuvumelana phakathi kwe Patriotic Front leBhilithani ngo 1979 eLancaster House ukuthi ele Bhilithani lizaphathisa ngensitha ukuthuthukisa inhlelo zomhlabathi eZimbabwe.
Isikhulumeli saleliqula uNkosikazi Alex O’Donoghue uthi ibandla le Zanu pf liyaphosisa nxa lisithi kwenziwa isivumelwano sokuthi iBhilithani kumele ikhiphe imali ethile kumbe incedise kwezomhlabathi ngendlela ezitshiyeneyo.
UNkosikazi O’Donoghue uthi egwalweni abalwethulele uzulu bafisa ukuthi iBhilithani iqalise ukuncedisa ukuthuthukisa ezomhlabathi eZimbabwe.
UMnu. Renson Gasela ingcwethi ecubungula ezokulima utshele u Gibbs Dube we Studio 7 ukuthi kunganceda nxa iBhilithani ingaphathisa iZimbabwe kwezomhlabathi.
