Umgcinisihlalo webandla leZANU PF uMnumzana Simon Khaya Moyo ngomunye kubandla leli, osefake ilizwi lakhe kudaba lokhetho, esithi kumele lwenziwe lonyaka.
UMoyo utsho lamazwi ekhuluma lephephandaba le Daily news. UMoyo uthi ukhetho kumele lwenziwe sokugoqwe udaba lwesisekelo sombuso. Nyakenye umongameli Robert Mugabe uphinde waphinda njalo udaba lokuthi ukhetho kumele lwenziwe lonyaka, laloba isisekelo sombuso esitsha singakabi khona.
Ezinye iziphathamandla zeZANU PF lazo zisekela udaba lokhetho lonyaka. Umbuzo ongabakhona kwabanengi ngowokuthi kambe kungani ibandla leZANU PF lifuna ukhetho lwenziwe masinyane.
ingcwethi ecubungula ezombusazwe uMnumzana Walter Nsununguli Mbongolwane uzama ukuphendula lumbuzo kungxogxo ayenze loBrenda Moyo weStudio 7.