Ibandla leZanu PF Linqoba Icele leCCC Elikhokhelwa NguTshabangu Elibona Ntuthu Kukhetho Lwama Byelection

WASHINGTON — 

Ibandla leZANU PF linqobe ezigabeni eziyisikhombisa phakathi kweziyisitshiyagalolunye kukhetho lwama byelection lokudinga amalunga edale lephalamende oluqhutshwe ngoMgqibelo.

Ibandla leZanu PF linqobe eBinga North, Cowdray Park, Nketa, Bulawayo South leBeitbridge West. Lanqoba eMabvuku-Tafara okwamiswa abakubandla leCCC abaxotshiswa ephalamende nguMnu. Sengezo Tshabangu. Icele leCCC elikhokhelwa nguTshabangu linqobe eMpopoma-Mzilikazi leLobengula-Magwegwe.

Umbiko weZEC uveza ukuba balutshwana abantu abavote kukhetho lolu ezigabeni zonke.

Bonke abaxotshiswa nguTshabangu abadlelana loMnu. Nelson Chamisa bavinjwa ngumthethwandaba ngoLwesihlanu ebusuku.

UMnu. Farai Marapira obona ngokwethulwe kwemibiko kubandla leZanu PF utshele umsakazo weStudio 7 ukuba bathakazelela impumela yokhetho lolu.

SEE ALSO:

Ingxoxo Esiyenze LoMnu Farayi Marapira

Onqobe eLobengula-Magwegwe kukhetho lwame byelection, uMnu, Charles Moyo, uthi abantu kabalifuni ibandla elibusayo koBulawayo.

SEE ALSO:

Ingxoxo Esiyenze LoMnu. Charles Moyo

UMnu. Gift Ostallos Siziba, umseleli wesikhulumeli sebandla leCCC elikhokhelwa nguMnu. Nelson Chamisa, uthi luyayangisa ukhetho oluqhutshwe yiZEC.

SEE ALSO:

Ingxoxo Esiyenze LoMnu. Gift Ostallos Siziba

Kusenjalo, uNkosikazi Sandra Ndebele loMnu. Donaldson Mabutho banqobile kukhetho lwama khansili koBulawayo. Owayengumeya edolobhebi leMasvingo, uNkosazana Shantel Chiwara, unqotshwe ngowebandla leZanu PF kukhetho lwamakhansili.