Ibandla le ZANU PF lithi liqhube kuhle ukhetho lwama primary elections elizweni lonke lapho okumele kube lama by elections njalo lilungiselela ukuthi amabizo alabo abazancintisa alotshwe edale le nomination court mhlaka 26 ngeviki ezayo.
Ibandla leli lithi lizanqoba kulolu ukhetho ngoba lisebenze gadalala kuminyaka edluleyo. Lokhu kuchasiswe ngu Mnu Munashe Mtutsa omele abatsha kubandla leli ko Bulawayo.
Kusenjalo, amabandla ezombusazwe athi lawo aselungiselele ukhetho lolu. UMnu Felix Mafa umsekeli wesikhulumeli se MDC Alliance uthi ibandla lakhe lizaveza ukuba yilo elithandwa ngabantu.
Isikhulumeli sebandla le MDC-T elikhokhelwa nguMnu. Douglas Mwonzora, uMnu. Witness Dube uthi bayathokoza ngokubekwa kwelanga lokhetho. Lokhu kugcizelelwe ngowayemela i Binga North edale lephalamende, uMnu Prince Dubeko Sibanda.
Ukhetho lolu kwakufanele luqhutshwe ngomnyaka ka2020 kodwa lwadluliselwa phambili uhulumende esithi usaphatheke ngomsebenzi wokulwisana lobhubhane lweCOVID 19.
Your browser doesn’t support HTML5
UMlondolozi Ndlovu Uyalandisa