WASHINGTON DC —
Ibandla leZanu PF libikwa licwayisisa amalunga alo acatshangelwa ukuba alobudlelwano lozithi nguBaba Jukwa oloba ebulenjini be Facebook. Iphephandaba le The Herald lithi unobhala webandla le Zanu PF, uMnu. Didymus Mutasa esithi lelibandla lizadingisisa labo abangaba besipha imfihlo zebandla uBaba Jukwa.
Iphephandaba lebulenjini ele Newzimbabwe.com lethule incwadi zama email ezibikwa zikhomba ukuba uBaba Jukwa nguMxolisi Ncube, intathelizindaba ehlala kwele South Africa. UNcube lomunye wakhe, uMkhululi Chimoio bathi bazakusa loludaba emthethwandaba ngoba lungolwamanga njalo lubahlambaza.
Ukuphika lokhu kunye lembiko kaBaba Jukwa eqhubeka ilokhu isethulwa ithuka iziphathamandla zebandla le Zanu PF kubikwa sekudale ukucabangelana phakathi kwaleli bandla.
Kodwa isikhulumeli sebandla leZanu PF, uMnu. Rugare Gumbo utshele iStudio Seven ukuthi lanxa bekhona abacatshangelwa ukuba basebenza loBaba Jukwa lelibandla kalisoze licithe isikhathi licubungula loludaba ngoba selanqoba kukhetho.
Iphephandaba lebulenjini ele Newzimbabwe.com lethule incwadi zama email ezibikwa zikhomba ukuba uBaba Jukwa nguMxolisi Ncube, intathelizindaba ehlala kwele South Africa. UNcube lomunye wakhe, uMkhululi Chimoio bathi bazakusa loludaba emthethwandaba ngoba lungolwamanga njalo lubahlambaza.
Ukuphika lokhu kunye lembiko kaBaba Jukwa eqhubeka ilokhu isethulwa ithuka iziphathamandla zebandla le Zanu PF kubikwa sekudale ukucabangelana phakathi kwaleli bandla.
Kodwa isikhulumeli sebandla leZanu PF, uMnu. Rugare Gumbo utshele iStudio Seven ukuthi lanxa bekhona abacatshangelwa ukuba basebenza loBaba Jukwa lelibandla kalisoze licithe isikhathi licubungula loludaba ngoba selanqoba kukhetho.