Lanxa owake waba ngumeli weNkayi South edale lephalamende uMnu Abednico Bhebhe esithi uzulu walesisigaba usekela iMDC Alliance ngobunengi, ibandla leMDC-T lithi akunjalo.
UBhebhe ungene kuAlliance ngeviki edluleyo ngemva kokuxotshwa kuMDC-T nyakenye lapho ayengumqoqi wenhlelo zalelobandla.
UMnu Bhebhe uthi abantu beNkayi South abanengi basekela umbono wakhe wokuthi kuqiniswe iAlliance ngoba kuyiyo yodwa engakhupha iZanu PF, ngakho uthi uzasebenza nzima ahuge labo abaseleyo.
Kodwa isikhulumeli seMDC-T uMnu Witness Dube utshele iStudio 7 ukuthi lokho akusoze kwenzeke.
Your browser doesn’t support HTML5
Ingxoxo loMnu Witness Dube
Khepha uBhebhe uthi ukhetho luka2023 yilo oluzachaya sobala ukuthi ngubani ingqwele phakathi kweMDC-T leMDC Alliance yakhe.
Your browser doesn’t support HTML5
Ingxoxo loMnu Abednico Bhebhe