WASHINGTON —
Ibandla leMovement for Democratic Change elikhokhelwa nguMnu. Nelson Chamisa seliphanyeke emthethwandaba weHigh Court udaba lokuvinjwa kwamalunga alo ukuthi atshengisele emigwaqweni namuhla ekhonona ngesimo esibi somnotho eZimbabwe.
Isikhulumeli sebandla leMDC, uMnu. Daniel Molokele, uthi bakhangelele ukuthi bazatshengisela emigwaqweni lobanje amapholisa ayethule isinqumo izolo kusihlwa esibavimba ukuthi benze lokhu.
UMolokele ulethemba lokuthi bazatshengisela njengalokhu akade bekufisa kungakhathalekile ngokwethulwe ngamapholisa.
Ibandla leli limele yinkampani yamagqwetha eyeMbidzo, Muchadehama and Makoni.
Amapholisa asebenzise esinye isiqa somthetho wePublic Order and Security Act ukumisa ukutshengisela kwamalunga ebandla leMDC.