Kulabanye abantu ababaleka eZimbabwe abathi bayesaba ukubuyela ekhaya ngenxa kahulumende kaMongameli Emmerson Mnangagwa abathi wephula amalungelo kazulu njengalokhu okusanda kwethulwa lilizwe leMelika.
Abanye abantu ababaleka eZimbabwe besethuselwa nguhulumende kaMnangagwa kulandela imizamo yokutshengisela emigwaqweni nyakenye uzulu ekhonona ngobukhohlakali, bathi kababuyeli ekhaya ngenxa yokuthi akulanguquko kwezokulondolozwa kwamalungelo kazulu.
Abantu laba bagoqela uMnu. Mthulisi Hanana, umqondisi wenhlanganiso yeDumiso Dabengwa Foundation, uMnu. Josphat Ngulube, olwela amalungelo oluntu, labanye abathi baphose bathunjwa nyakenye eZimbabwe. UHanana uthi akuqedakali okwenzakala eZimbabwe.
UHanana uthi kunzima ukuthi abuyele ekhaya.
Lokhu kusekelwa nguMnu. Ngulube, othi waphose wathunjwa koBulawayo.
Kulabanye njalo abacatshe ekhaya besesaba ukuthi bazathunjwa ngamapholisa ensitha. Omunye wabo nguMnu. Mqondisi Moyo, umkhokheli webandla leMthwakazi Republic Party.
Kodwa uMnu. Joseph Tshuma webandla leZanu PF uthi abantu laba besaba umnyama ongelampisi.
Ilizwe leMelika lithi uhulumende kaMnangagwa wephula amalungelo abantu okwesabekayo. Wethule lokhu egwalweni olujilileyo ululungiswe luhlangothi olubona ngezamalungelo kazulu.
Your browser doesn’t support HTML5
Uhulumende weZimbabwe Uthwalele Ubhulo Abamphikisayo