Ibandla leMovement for Democratic Change elikhokhelwa nguMnu. Nelson Chamisa lithi lizagcoba uChamisa ngempelaviki ukuba ngumongameli welizwe leZimbabwe.
Ibandla leli lithi lokhu kuzakwenziwa nguzulu eHarare ngoMgqibelo hatshi uJustice Luke Malaba kumbe umsekeli wakhe njengalokhu okumunyethwe yisisekelo sombuso welizwe.
UDokotela Nkululeko Sibanda, isikhulumeli sikamongameli webandla leMDC-T, uthi isenzo lesi kasephuli umthetho welizwe leZimbabwe.
Your browser doesn’t support HTML5
'Sizamgcoba uChamisa Ngempelaviki Ukuba Ngumongameli Welizwe leZimbabwe'
UMnu. Believe Gaule, okudale leCentral Committee kubandla leZanu PF, uthi yikuganga lokhu okwenziwa libandla leli.
Your browser doesn’t support HTML5
Believe Gaule: Bayaganga Abafuna Ukugcoba uChamisa Ukuba Ngumongameli weZimbabwe'
Ukuze sihlaziye udaba lolu, sixoxe loMnu. Matshobana Ncube, ingqwetha elilwela ilungelo loluntu. UNcube uthi yikudlala nje okwenziwa libandla leMDC elikhokhelwa nguChamisa.
Your browser doesn’t support HTML5
'Bayazidlalela Abafuna Ukugcoba uChamisa'
UChamisa waphikisa ukukhethwa kukaMongameli Emmerson Mnangagwa waze wayafika emthethwandaba weConstitutional Court lapho okwathathwa khona isinqumo sokuthi uMnangagwa nguye owakhethwa nguzulu.
UChamisa lokhe etshaya phansi ngenduku esithi nguye owanqobayo kukhetho lolu.