Inhlanganiso elwela amalungelo oluntu eye-Amnesty International ikhuphe ugwalo oluveza indubo ezibhekane labesifazane abachapha imingcele besiyathenga impahla yokuthengisa.
Ugwalo lolu lubhalwe kulandela ukucwayisisa okwenziwe emazweni athi i-Malawi, Zambia leZimbabwe, njalo luveza indaba ezigoqela ukudlwengula, ukuthathela impahla, udlakela, ukuswelakala kwendawo zokuhlala, umumo wezimota abahamba ngazo, lokunye.
Ugwalo lolu luveza njalo ukuthi amazwe omathathu la, abhekane lodubo lolu awakathathi isivumelwano somhlangano we-International Labor Organization 2019 Violence and Harassment Convention Instrument ovikela amalungelo abesifazane, ukuthi ube ngumthetho.
Umphathintambo wendaba zabesifazane uNkosikazi Monica Mutsvangwa ekhuluma emkhosini wokuthakazelela usuku lwabesifazane ngeviki edluleyo wathi kulenhlelo ezinengi ezokuvikela abesifazane eseziqhutshwe nguhulumende kodwa welekelela ngokuthi kusakunengi okumela kwenziwe.
Olwela amalungelo kazulu ekunhlanganiso yeNational Consumer Rights Association uMnu. Effie Dlela Ncube utshele iStudio7 ukuthi uhulumende kumele aqakathekise imithetho evikela amalungelo kazulu.
SEE ALSO: Ingxoxo Esiyenze loMnu Effie Dlela Ncube.