Abanye bathi eleZimbabwe kumele lilandele umzekeliso weleSouth Africa, lona elisanda kwenza ukhetho lokudinga amakhansila, lalo liqhube ama-by-elections aselesikhathi eside engenziwa.
Uhulumende kaMongameli Emmerson Mnangagwa wamisa inhlelo zokhetho esithi zilakho ukumemethekisa umkhuhlane weCovid-19.
Ugatsha lwezokhetho kweleSouth Africa lwazama ukumisa ukhetho lwakulelolizwe ngesizatho esifanayo kodwa lwehluleka.
Impumela yalolukhetho esiphumile itshengise ukuthi akulanguquko enkulu ebekhona ngaphandle kwesigaba seKwazulu Natal lapho ibandla leInkatha Freedom party elinqobe kuzikhundla ezinengi.
Elizweni lonke, ibandla elibusayo eleANC likhangelelwe ukuhamba phambili.
Ukhetho lolu lwenziwe ngokuthula njalo kungela kukhonona kwabanqotshiweyo.
Ophatheke kwezombusazwe, uMnu Edwin Ndlovu, utshele iStudio 7 ukuthi iZimbabwe layo kumele yenze ukhetho lwama-by-elections hatshi ukucatsha ngeCovid-19.
Your browser doesn’t support HTML5
Ingxoxo loMnu Edwin Ndlovu