BULAWAYO —
Inhlanganiso yeMelika encedisa emazweni aswelayo i United States Agency for International Development –USAID, isikhuthaze bonke abesebenza ukuthuthukisa eleZimbabwe ukuthi baqakathekise amathuba abesifazana ngoba akungeke kube lenguquko ebambekayo elizweni ngenhlelo ezingaphathi omama.
EleZimbabwe ngelinye lamazwe abikwa engaqhubi kuhle nxa kukhangelwa intuthuko yabesifazana. Ilizwe leli likubanga lekhulu lamatshumi amathathu – 130 kuluhlu lokuqoqa ukusebenza kwamazwe ekulinganiseni amathuba abesifazana labesilisa emhlabeni wonke jikelele iGlobal Gender Related Development Index.
Lokhu kuveza ukuthi intuthuko yebesifazana iphansi lanxa kulemithetho embalwa elizweni ekhuluma ngokuphakamisa impilo zabomama lokulinganisa amathuba abo labesilisa.
Lokhu kutshengisa njalo ukuthi abesifazana bakuleli balokhu besasweleka kunhlangothi zenotho yelizwe, lapho okuthathwa khona izinqumo ezimqoka kanye lekubeni yinsika yentuthuko elizweni.
I-USAID ithi lanxa abesifazana abasebenza kwezokulima befika amatshumi amane ekhulwini – 40%, abalamasimu kumbe amapulazi abiza bona uqobo, bayingcosana nje engafiki itshumi ekhulwini – 9%.
Lanxa zinengi inhlanganiso ezidinga ukuphathisa abesifazana lamantombazana inengi lazo zisemadolobheni zitshiya abasemaphandleni okuyibo abadinga uncedo kakhulu lokuzithuthukisa.
Inengi lenhlanganiso lezi lalapho zithe zaya emaphandlen zifika ziphathe inhlelo zeminyaka emifitshane kuthi imali yalolohlelo iphela izakhamizi zisale zibambe isisila inyoni isiphaphile.
EleZimbabwe ngelinye lamazwe abikwa engaqhubi kuhle nxa kukhangelwa intuthuko yabesifazana. Ilizwe leli likubanga lekhulu lamatshumi amathathu – 130 kuluhlu lokuqoqa ukusebenza kwamazwe ekulinganiseni amathuba abesifazana labesilisa emhlabeni wonke jikelele iGlobal Gender Related Development Index.
Lokhu kuveza ukuthi intuthuko yebesifazana iphansi lanxa kulemithetho embalwa elizweni ekhuluma ngokuphakamisa impilo zabomama lokulinganisa amathuba abo labesilisa.
Lokhu kutshengisa njalo ukuthi abesifazana bakuleli balokhu besasweleka kunhlangothi zenotho yelizwe, lapho okuthathwa khona izinqumo ezimqoka kanye lekubeni yinsika yentuthuko elizweni.
I-USAID ithi lanxa abesifazana abasebenza kwezokulima befika amatshumi amane ekhulwini – 40%, abalamasimu kumbe amapulazi abiza bona uqobo, bayingcosana nje engafiki itshumi ekhulwini – 9%.
Lanxa zinengi inhlanganiso ezidinga ukuphathisa abesifazana lamantombazana inengi lazo zisemadolobheni zitshiya abasemaphandleni okuyibo abadinga uncedo kakhulu lokuzithuthukisa.
Inengi lenhlanganiso lezi lalapho zithe zaya emaphandlen zifika ziphathe inhlelo zeminyaka emifitshane kuthi imali yalolohlelo iphela izakhamizi zisale zibambe isisila inyoni isiphaphile.
Your browser doesn’t support HTML5
Udaba lukaNothando Sibanda lokuqakathekiswa kwenhlelo zabesifazana