Ibutho leIsraeli lihlasele kakubi ngoLwesithathu eGaza lapho eliphosele khona amabhomba.
Lokhu kuza kulandela imibiko yenkokheli ze-Israel ngoLwesibili eyokuthi ilizwe leli lizaqinisa impi eGaza.
Ukuqina kwempi le sekutshiye inhlanganiso yomanyano wamazwe omhlaba eye-United Nations ikhathazekile ngokuvikeleka kwabangahlomanga.
I-Israel yona ithi sekulamasotsha ayo alikhulu lengxenye (156) asefele kulimpi.
Impi le isibhidlize indawo ezinengi zeGaza, njalo uhlangothi lwezempilakahle eGaza luthi kulamaPhalestina edlula inkulungwane ezingamatshumi amabili (20 400) asefele kulimpi.
Exoxa leStudio7 uMnu Effie Dlela Ncube ingcwethi yezombusazwe, njalo elwela amalungelo abathengi ephansi kwenhlanganiso yeNational Consumer Rights Association uthe amacele omabili la kumele aqakathekise impilo yabantu makhaza.
Your browser doesn’t support HTML5
Ingxoxo loMnu Effie Dlela Ncube.