Isizalwane seZimbabwe esihlala kweleBhilithani uNkosazana Sinikiwe Selu Abigail Ndlovu unikeze isikolo semfundo yaphansi eseSigola Primary School isipho sama computers awokuncedisa abantwana ezifundweni zabo.
Ama computers la avele kumaNdlovu abuye ngesikhathi isikolo sesiphelelwe ukuthi sizakwenzani ngabantwana ababhala umhloliso we Information and Communications Technology ICT ka Grade 7. Isipho lesi sethulelwe lesi isikolo ngomele uSnikiwe Ndlovu njalo engumngane wakhe uNkosana Sthabile Mupedzisi
Umphathisikolo we Sigola Primary School uMnu. Vusa Lunga ujabule kakhulu ngesipho sama Computer.
Ukuvalwa kwezikolo okwesikhathi eside nguhulumende kulandela iziqondiso ze COVID 19ovid-19 kwaphambanisela abantwana abanengi ezifundweni zabo. Abanye basebethatha izidakamiswa, kwathi amanye amantombazana akhulelwa. UCouncillor C Ndebele umele isigaba sako Sigola kuCouncil yeMzingwane.
"Abantwana baphambanisekile sibili kakhulu, ngoba vele lento obuzibona bezenza abantwana. Abntwana sebedakwa, abanye sebezithwele, so hayi iCOVID isibulalele abantwana kakhulu ngoba sokuyizisu abantwana abancane bengakafiki esayazini yokuthi sebengabadala but ngomumo adusukhona sokunjalo. Abanye bakhona abangasafundiyo but kulenhlelo ze Council ade sebebalandelela emakhaya ukuthi nxa bekhona abantwana ababuye eskolo abantwana bafunde, " kutsho uCouncillor Ndebele.
UMnu Mduduzi L Dlodlo nguMlisa Wales isigaba sako Sigola ubonge lesisipho.
Kusenjalo kulumcimbi abesSigola Foundation Trust banikeze amabhuku lama Uniform kuzifundi eziphuma kumndeni eswelayo. UMnu Innocent Mukwazhi ubemele linhlanganiso.
Kujabule ababalisi, kwadumisa abazali, kwahlekele abafundi ngezipho eziphiwe isikolo lesi seSigola Primary School, eMzingwane.
Your browser doesn’t support HTML5
UEzra Tshisa Sibanda Uyalandisa
.