Umanyano weEuropean Union uthi izijeziso owazethesa uMongameli Mugabe lomkakhe uGrace zizaqhubeka zikhona okomunye umnyaka ngoba amalungelo oluntu elokhu engahlonitshwa eZimbabwe.
Embikweni ewethule ngoLwesithathu, iEU ithe njalo inkampani elungisa izikhali lezigqoko zamabutho, iZimbabwe Defence Indistries (ZDI) layo izaqhubeka ijezisiwe.
Eminyakeni esanda kwedlula, iEuropean Union yesule amabizo eziphathamandla zeZanu PF kuluhlu lwayo lwezijeziso, njalo sokusele uMugabe lomkakhe kuphela.
Ilunga leZanu PF uMnu Joseph Tshuma usole kakhulu inyathelo leEU leli. "Ungakhangela ukuthi ubunzima obulethwa yilezi zijeziso azimpathi ngitsho lakancane yena umongameli Robrt Mugabe lomkakhe ngoba nxa kumele aye emihlanganweni bayamvumela ukungena kuboMelika, eBrussels lakwezinye indawo emhlabeni jikelele, kodwa aphatha abantu makhaza beZimbabwe abayibo abafakelwa imigoqo yizo".
Your browser doesn’t support HTML5
Udaba lwezijeziso zenotho ezetheswa uMugabe ngabe EU eseziqelisiwe
Ukuhlaziya loludaba uNtungamili Nkomo weStudio Seven uphinde waxhuma ingcwethi kwezombusazwe uMnu Briliant Mhlanga yena osekela leli nyathelo lamazwe awezwekazi le Europe.
"Kumele abantu bakuzwisise ukuthi amazwe angentshonalanga akwenzelani lokhu ukube eqhelisa izijeziso zenotho, kungoba uhulumende weZimbabwe lokhu eqhubeka esephula amalungelo oluntu, abantu lokhe benyamalala elizweni abanjengo Itai Dzamara labanye".
Your browser doesn’t support HTML5
Ukuhlaziya udaba lwezijeziso eziqeliselwe uMugabe ngabe EU