Uzulu ukhuthazwa ukuthi ahloniphe imisebenzi kamuyi uJoshua Mqabuko Nkomo owabhubha ngoNtulikazi ngomnyaka ka1999 engumsekeli kamongameli.
Abalandeli bebandla elibusayo laphikisayo bathi kuqakathekile ukuthi kukhunjulwe imisebenzi kaNkomo owayelesifo semvukuzane.
Bathi kuyamangalisa ukuthi uhulumende ukhanya engani sowakhohlwa ngokwenziwa nguNkomo njengoba kungelamicimbi ekhanyayo yokumkhumbula ngoNtulikazi minyaka yonke.
UMnu. Believe Gaule ngomunye wabalandeli bebandla leZanu PF othi kumele kuqakathekiswe imisebenzi kaNkomo, ikakhulu okwamanje uzulu ebhekane lenhlupho ezinengi.
UNkomo wangena kusivumelwano seUnity Accord lebandla leZanu PF kulandela ukubulawa kwabalandeli bakhe yiGukurahundi.
IGukurahundi yabulala abantu abafika inkulungwane ezingamatshumi amabili 20,000 eMatabeleland leNkabazwe kusukela ngomnyaka ka1983 kusiyafika umnyaka ka1987.
UNkomo wathi owayengumongameli, uMnu. Robert Mugabe, wayecabanga ukuthi ufuna ukumsusa esikhundleni ngodlame.
Your browser doesn’t support HTML5
Ingxoxo Esiyenze LoMnu. Believe Gaule