Lanxa kulenkulumo ezinenginengi ngohlelo lokuthuthukisa imitshina yokuhlambulula amanzi anathwa yizakhamizi zeHarare, osaphethe isikhundla sikamabhalani kukhansili yaleli dolobho uNkosikazi Josephine Ncube, wazise ukuba luyaqhubeka kakuhle njalo luzagqhitshwa ngesikhathi esibekiweyo.
Ekhuluma lequla leziphathamandla zikahulumende lentathelizindaba elethekelele endaweni ihlanjululwa amanzi eye Morton Jafrray ngoLesine uNkosikazi Ncube uthe lolu hlelo olusungulwe ngomnyaka odluleyo luyaqhubeka kakuhle akulankinga njalo njalo ngendlela oluhamba ngalo lulakho ukugqitshwa umnyaka ka2016 ungakafiki.
Umnumzana Zhang Xin umsekeli womqondisi wenkampani eqhuba umsebenzi walolu hlelo eyeChina Machinery and Engineering Corporation eZimbabwe uthi ukhangelele ukuthi konke okuzasetshenziswa kulolu hlelo kuzaba sokukhona elizweni ngenyanga kaLwezi. Uthi uyakwazi ukuthi lolu hlelo luqhakatheke okungakanani edolobheni leHarare njalo bona njengenkampani bayazama ngazo zonke indlela ukuthi lisebenze gadalala ukuze izakhamizi zaleli dolobho zithole amanzi amanengi njalo ahlanzekileyo.
Unkosikazi Ncube uthi lolu hlelo luzakwehlisa inhlupho ezibhekane lezakhamizi zeHarare zokusilela kwamanzi njalo kuyadingeka ukuthi kwakhiwe amanye amadamu ukuze inhlupho lezi ziphele. Uvumile kodwa unkosikazi Ncube ukuthi kwaba liphutha ukuthenga izimotha ezingamatshumi amahlanu lamabhasi okuzamele asetshenziswe ngabayabe besebenza kulolu hlelo.
Kodwake umpathintambo wentuthuko yezabelo umnumzana Ignatius Chombo okwade ekhona kuleli qula kanye lomnumzana Saviour Kasukuwere umpathintambo zemanzi bathi kababoni ulutho olubi ngokuthengwa kwalezi motha lamabhasi ukuze lolu hlelo luqhutshwe ngemfanelo.
UMeya veHarare umnumzana Bernard Manyenyeni ubikwa sewakhetha ixuku labantu abamele bakhangelisise ukuthengwa kwalezi motha lamabhasi yikhansili.
UChombo uthi ikhansili ikhululekile ukuqhubeka ngokucubungula kwayo kodwa ngokufakazwa ngunkosikazi Ncube loXin kusobala ukuthi lolu hlelo luqhubeka kakuhle.
Umsekeli kamayor, umnumzanaThomas Muzuva laye okade ekhona uthi lanxa konke okukhulunywe ngunkosika Ncube loXin kumqotho bona njengekhansili bahlolisisa inengo yezimotha lezi kanye lezinto zonke okumele zisetshenziswe kulolu hlelo.
Einye ingcwethi ephakathi kweqembu elihlolisisa ukuqhutshwa kwalolu hlelo umnumzana Peter Morris ubikwa esevele wazisa ikhansili ukuthi yatshaphaza imali ekuthengweni kwemitshina lezinto zokusebenzisa kulolu hlelo ngoba intengo ehlawulelwe lezi zinto ibi qonge kakhulu.
Lolu hlelo luhlelwe ukusebenzisa izigidi ezilikhulu lamatshumi amane amadollar okuyimali ekhweledwe kwele China phansi kwebhanga layo ele Export and Import Bank.
Ingcwethi zezenotho ezigoqela umnumzana Masimba Manyanya uthi kunengi okungacacanga enhlelweni zonke zentuthuko eziqhutshwa elizweni ngabeChina ngoba kuyimvama ukuphiwa kwabo imisebenzi kungaqalanga kwadingwa kabanzi abangenza lowo msebenzi ngcono.
Ekhuluma lequla leziphathamandla zikahulumende lentathelizindaba elethekelele endaweni ihlanjululwa amanzi eye Morton Jafrray ngoLesine uNkosikazi Ncube uthe lolu hlelo olusungulwe ngomnyaka odluleyo luyaqhubeka kakuhle akulankinga njalo njalo ngendlela oluhamba ngalo lulakho ukugqitshwa umnyaka ka2016 ungakafiki.
Umnumzana Zhang Xin umsekeli womqondisi wenkampani eqhuba umsebenzi walolu hlelo eyeChina Machinery and Engineering Corporation eZimbabwe uthi ukhangelele ukuthi konke okuzasetshenziswa kulolu hlelo kuzaba sokukhona elizweni ngenyanga kaLwezi. Uthi uyakwazi ukuthi lolu hlelo luqhakatheke okungakanani edolobheni leHarare njalo bona njengenkampani bayazama ngazo zonke indlela ukuthi lisebenze gadalala ukuze izakhamizi zaleli dolobho zithole amanzi amanengi njalo ahlanzekileyo.
Unkosikazi Ncube uthi lolu hlelo luzakwehlisa inhlupho ezibhekane lezakhamizi zeHarare zokusilela kwamanzi njalo kuyadingeka ukuthi kwakhiwe amanye amadamu ukuze inhlupho lezi ziphele. Uvumile kodwa unkosikazi Ncube ukuthi kwaba liphutha ukuthenga izimotha ezingamatshumi amahlanu lamabhasi okuzamele asetshenziswe ngabayabe besebenza kulolu hlelo.
Kodwake umpathintambo wentuthuko yezabelo umnumzana Ignatius Chombo okwade ekhona kuleli qula kanye lomnumzana Saviour Kasukuwere umpathintambo zemanzi bathi kababoni ulutho olubi ngokuthengwa kwalezi motha lamabhasi ukuze lolu hlelo luqhutshwe ngemfanelo.
UMeya veHarare umnumzana Bernard Manyenyeni ubikwa sewakhetha ixuku labantu abamele bakhangelisise ukuthengwa kwalezi motha lamabhasi yikhansili.
UChombo uthi ikhansili ikhululekile ukuqhubeka ngokucubungula kwayo kodwa ngokufakazwa ngunkosikazi Ncube loXin kusobala ukuthi lolu hlelo luqhubeka kakuhle.
Umsekeli kamayor, umnumzanaThomas Muzuva laye okade ekhona uthi lanxa konke okukhulunywe ngunkosika Ncube loXin kumqotho bona njengekhansili bahlolisisa inengo yezimotha lezi kanye lezinto zonke okumele zisetshenziswe kulolu hlelo.
Einye ingcwethi ephakathi kweqembu elihlolisisa ukuqhutshwa kwalolu hlelo umnumzana Peter Morris ubikwa esevele wazisa ikhansili ukuthi yatshaphaza imali ekuthengweni kwemitshina lezinto zokusebenzisa kulolu hlelo ngoba intengo ehlawulelwe lezi zinto ibi qonge kakhulu.
Lolu hlelo luhlelwe ukusebenzisa izigidi ezilikhulu lamatshumi amane amadollar okuyimali ekhweledwe kwele China phansi kwebhanga layo ele Export and Import Bank.
Ingcwethi zezenotho ezigoqela umnumzana Masimba Manyanya uthi kunengi okungacacanga enhlelweni zonke zentuthuko eziqhutshwa elizweni ngabeChina ngoba kuyimvama ukuphiwa kwabo imisebenzi kungaqalanga kwadingwa kabanzi abangenza lowo msebenzi ngcono.