Njengoba amapholisa evimbe umbuthano wanyakenye wesikhumbuzo seGukurahundi esithi ngowokwehlukanisa abantu ngemihlobo lonyaka sebecabange ukuwenza ube ngumthandazo
WASHINGTON —
Inhlanganiso elwela amalungelo oluntu eye "Ibhetshu Likazulu" ithi amalungiselelo omthandazo wayo omkhulu owokukhumbula abantu abaphelelwa ngumpefumulo ngesehlekalo sombuqhazwe oweGukurahundi ezigabeni ze Matabeleland le Midlands ilizwe lisanda ukuthola uzibuse asesemaphethelweni njalo banengi abathembise ukuza kuwo enkozweni eye Baptist Church ekoBulawayo ngoMgqibelo ekuseni.
UMnu. Mbuso Fuzwayo isiphathamandla salinhlanganiso eyiyo eqoqa lumthandazo uthi bake bazama ngomnyaka odluleyo ukuthi benanze lelilanga ngesikhathi kunanzwa ele World Genocide Day mhlaka 25 ngoZibandlela nyakenye, kodwa amapholisa awuvimba ummbuthano wabo lo, esithi udaba lwe Gukurahundi ngolokwehlukanisa abantu ngemihlobo njalo solwalungiswa lwaphela.
UFuzwayo utshele uSithandekile Mhlanga weStudio 7 ukuthi inhlanganiso yakhe isiguqule uhlelo lokuthi inanze lelilanga minyaka yonke lwaba ngolomthandazo kuphela ngoba udaba lokuvinjelwa ukuqhuba lumbuthano ngamapholisa nyakenye lokhu lusahluzwa emthethwandaba, njalo inhlanganiso yakhe igcizelela ukuthi udaba lolu lokhu lungakalungiswa.
UMnu. Mbuso Fuzwayo isiphathamandla salinhlanganiso eyiyo eqoqa lumthandazo uthi bake bazama ngomnyaka odluleyo ukuthi benanze lelilanga ngesikhathi kunanzwa ele World Genocide Day mhlaka 25 ngoZibandlela nyakenye, kodwa amapholisa awuvimba ummbuthano wabo lo, esithi udaba lwe Gukurahundi ngolokwehlukanisa abantu ngemihlobo njalo solwalungiswa lwaphela.
UFuzwayo utshele uSithandekile Mhlanga weStudio 7 ukuthi inhlanganiso yakhe isiguqule uhlelo lokuthi inanze lelilanga minyaka yonke lwaba ngolomthandazo kuphela ngoba udaba lokuvinjelwa ukuqhuba lumbuthano ngamapholisa nyakenye lokhu lusahluzwa emthethwandaba, njalo inhlanganiso yakhe igcizelela ukuthi udaba lolu lokhu lungakalungiswa.
Your browser doesn’t support HTML5
Ingxoxo LoMnu. Mbuso Fuzwayo