UMnu. Felix Magalela Mafa, obona ngokwethulwa kwemibiko kwelinye lamacele awebandla leMDC-T ekhokhelwa nguMnu. Nelson Chamisa, uthi kayisuye okhokhela umkhankaso wokuthi aphiwe isikhundla sokuba ngumsekeli kamongameli ebandleni leli.
Ekhuluma emhlanganweni lentathelizindaba ngoLwesine, uMnu. Mafa uthe uChamisa nguye ozakhetha umsekeli wakhe.
UMafa uxwayisa uzulu ukuthi kumele ekele umkhankaso lowu ngoba abawenzayo bathethisa amanye amalunga ebandla lakhe.
Obesemhlanganweni lo uMnu. Melusi Dube usole uMafa esithi yindaba kade ehamba yedwa engela lunga lebandla lakhe elivela koBulawayo. Uthe njalo umbiko obusethulwa nguMafa awuzwakalanga ngoba utshengisa ukuthi isifiso sokubangumsekeli kamongameli ulaso.
UMnu. Iphithule Maphosa, omunye obekhona emhlanganweni lo, usole uMafa esithi wayebambene labanye belwisa uMaKhuphe ngodaba lokuba liNdebele.
Ibandla leMDC-T lidabuke phakathi ngemva kokubhubha komkhokheli walo umuyi uMnu. Morgan Tsvangirai njalo sekulamabandla amabili - elikhokhelwa nguChamisa lelikhokhelwa nguMaKhuphe.
Your browser doesn’t support HTML5
Udaba Esilethulelwe NguBathule Masuku