Umongameli Filipe Nyusi wele Mozambique uvule okusemthethweni umbukiso walonyaka wezokulima owe Harare Agricultural Show. UNyusi ubhobabhode ekhangela imbukiso etshiyeneyo ekhatshwe ngumongameli Robert Mugabe lomkakhe unkosikazi Grace Mugabe andubana awuvule okumthethweni. Lokhu kwenzakala elizweni kulendlala enkulu ngenxa yesivuno salonyaka esiphansi.
Abathengisa ezitaladini koBulawayo, bekhokhelwa yinhlanganiso ye woza bayatshengisela kukhansili yalelo dolobho besola ukubotshwa lokuthathelwa impahla abazithengisayo ngamapholisa ka manisipala. Lokhu kwenzakala lanxa ikhansili yalelidolobho isithi iphakathi kokwabela abathengisayo indawo njalo ayisabathatheli impahla zabo.
Abantu lokhe beqhubeka belahlekelwa yimisebenzi eZimbabwe lanxa umongameli Robert Mugabe esayine umthetho ophathelane lezisebenzi obuhluzwa edale lephalamende owe Labour Amendment Bill, obamba ngamandla amankampani ukuthi ahlawule izisebenzi lezi ezimiswa umsebenzi eziphakathi bobunzima bezenotho obuselizweni.
Lingakhohlwa uhlelo Livetalk lapho esihlaziya umbukiso wezokulima owe Harare Agricultural show lona ilizwe libhekane lendlala enkulu ngenxa yesivuno salonyaka esiphansi.
Your browser doesn’t support HTML5
Studio 7 - Indaba Ezimqoka NgoLwesihlanu - Ncwabakazi 28, 2015