Izakhamizi zemaphandleni sezikhuthaze uhulumende ukuthi aphange athenge umuthi ovikela igcikwane leCoronavirus, owe vaccine, ngesikhathi inani labantu abulawa yiCOVID 19 elizweni liqonga.
Uhulumende uthi uzathenga imithi ezavikela uzulu wakuleli kugcikwane leCoronavirus, eyama vaccines, ngenyanga kaMabasa.
Sokulama vaccines awalungiswa yinkampani yeModerna leye Pfizer, njalo asesetshenziswa kwamanye amazwe, agoqela eleBhilithani leleMelika.
UMnu. Peter Zulu oyisakhamuzi seNsindi eGwanda North uthi ukumemetheka kwegciwane leCoronavirus kubathwalise amagabha avuzayo.
Amazwi la asekelwe nguMnu. Tobias Ndlovu usomabhizimusi weFumukwe kuWard 17 eGwanda South.
UNkosazana Thandi Moyo oweNtepe, othengisa utshwala, uthi uvalile ibhizimusi yakhe elandela iziqondiso zokwenqabela ukumemetheka kwegcikwane leCoronavirus, eze lockdown.
Your browser doesn’t support HTML5
UAlbert Ncube Uyalandisa
UMnu. Keaboka Magaya ongusobhuku weMagaya Village eFumukwe yena ukhathazekile ngekusasa labafundi.
UMnu. Lovemore Ncube isakhamuzi seMatobo uthi ngaphandle kokuthi bathembele enkosini akukho abangakwenza.
Sokubhubhe abantu abafika phose amakhulu amabili 183 elizweni, kusukela ngeSonto edluleyo kusiyafika lamuhlanje.