Izulu lesiphepho eliphiwe igama lokuthi Hurricane Milton lizachitheka ngoLwesithathu esabelweni seFlorida, eMelika, lapho elikhangelelwe khona ukudala umonakalo omkhulu.
Abantu abanengi babikwa sebesukile ezindlini zabo baya endaweni zokuphephela ezivikelekileyo ngemva kokuxwayiswa ngabogatsha lwezomkhathi.
Izulu leli lilomoya omkhulu oqothula imbokodo lesisekelo ohamba ngesiqubu samakhilomitha aphezu kwamakhulu amabili ngehola, 250 kilometers, ngokubika kogatsha olukhangelane leziphepho olweNational Hurrican Center.
Elinye idolobho elizatshaywa yesiphepho lesi ngeleTamba Bay, lapho okuhlala khona abantu abedlula izigidi ezintathu, 3,3 million.
Ngeviki edluleyo kube lesiphepho esifanayo, iHurricane Helene, esibulale abantu abedlula amakhulu amabili endaweni ezigoqela khona eFlorida laseNorth Carolina.
Isizalwane seZimbabwe esihlala eFlorida uMnu Marvellous Siziba utshele iStudio 7 ukuthi abantu abanengi babambe uvalo besesaba ingozi ezayo ngoHurricane Milton.
Your browser doesn’t support HTML5
Ingxoxo loMnu Marvellous Siziba