Ukuthonisiswa kukaMnu Donald Trump lidale leSenate kungene kulanga lesibili izolo lapho abatshutshisi bebandla lamaDemocrats abaveze khona ubufakazi obutsha bodlakela olwadalwa ngabasekeli bakaTrump ephalamende olwabangela ukufa kwabantu abahlanu.
Icala leli lithethwa ngesikhathi uMongameli Joe Biden ezama ukugxilisa inhlelo zakhe zokuvuselela umnotho njalo ekhangelele ukuthi idale leSenate lipasise iziphathamandla zikahulumende wakhe azikhethileyo.
Abatshutshisi bazaluchaya udaba lwabo phakathi kwamahola alitshumi lasithupha kuthi ngemva kwalokho amagqwetha kaTrump lawo azamvikela phakathi kwesikhathi sinye.
Ocubungula ezombusazwe uMnu Effie Dlela Ncube utshele iStudio 7 ukuthi ukuthethwa kwalelicala kuyaziphazamisa inhlelo zikaMongameli Biden.
Your browser doesn’t support HTML5
Ingxoxo loMnu Effie Dlela Ncube