Umanyano wamazwe aphetsheya oweEuropean uthi uzaqhubeka ngezijeziso zezikhali, i-arms embargo ezetheswa eleZimbabwe, kanye lalezo ezethulelwe inkampani yezomvikela elizweni eyeZimbabwe Defence Industries ngoba uhulumende ulokhe esephula ilungelo loluntu.
Embikweni owethulwe ngoLwesihlanu, umanyano lo uthe ukhathazekile ngokubotshwa mahlayana kwentathelizindaba, abamabandla ezombusazwe labanye ngoba bengaveza umbono ohlukene lokahulumende betheswa icala lokubangela udlakela.
Umanyano lo uthi uyadingisisa ukuthi abezomvikela eZimbabwe bayaphatheka na ekwephuleni ilungelo loluntu.
Ukuhlaziya loludaba, sixoxa loMnu. Rejoice Ngwenya, ingcwethi ecubungula ezombusazwe.
Your browser doesn’t support HTML5
Ingxoxo loMnu. Rejoice Ngwenya
Kusenjalo uMnu. Allan Moyo owenhlanganiso yezifundi eyeZINASU osehlale okwenyanga ezimbili ejele ukhululwe ngoLwesihlanue ngemali yesibambiso eyebail. Isiphathamandla sebandla leMDC Alliance uMnu. Makomborero Haruzivishe osanda ukubotshwa, ulokhe evalelwe esitokisini njalo ukhangelelwe ukumiswa phambi komthethwandaba ngoMgqibelo.