Inhlanganiso yeElection Resource Center (ERC) ithi kunengi okungafundwa lugatsha olubona ngokuqhuba ukhetho olweZimbabwe Electoral Commission kundlela ukhetho lweZambia oluqhutshwe ngayo.
UMnu Edgar Lungu owebandla elibusayo nguye onqobileyo kulolukhetho njalo lanxa abamabandla aphikisayo bebekhonona, bavumile ukuthi banqotshiwe.
NgoMvulo uLungu ukhethe uNkosikazi Inonge Wina ukuba ngumsekeli wakhe, okungokwakuqala ukuthi eleZambia libe lomsekeli kaMongameli owesifazana.
IElection Resource Center, engenye yenhlanganiso zeZimbabwe ezibone ngokuqhutshwa kokhetho lolu ithi iElectoral Commission of Zambia iqhube umsebenzi kuhle njalo uluhlu lweVoters Roll luphiwe amabdnala ekade encintisa kusalesikhathi.
Kube lokutshengisela kweleZambia abasekeli bebandla eliphikisayo besola uMugabe besithi sokuyisikhathi sokuthi atshiye umbuso.
Kunsukwana ezizayo uMugabe uzathatha isikhundla sokuba ngumgcinisihlalo weAU.
Sixhume ingcwethi kwezombusazwe uMnu Nkululeko Sibanda ukuhlaziya loludaba.
Your browser doesn’t support HTML5
Ingxoxo loMnu Nkululeko Sibanda