EleZimbabwe selithengise igwayi elinengi elilesisindo esifika kuzigidi ezilikhulu lamatshumi amane ama kilogrammes kuwonalo umnyaka -140 million kilograms, osokulethele ilizwe imali enengi efika kungxenye yebhiliyoni lamadollar.
Inhlanganiso ebona ngenhlelo zegwayi elizweni eye Tobacco Industry and Marketing Board ithi lokhu ngokwakuqala ukuthi ukuthengiswa kwegayi kulethele ilizwe imali enengi kangaka lokhu kwasungulwa uhlelo lokwabiwa kutsha komhlabathi olwabhidliza inhlelo zokulima.
UMnu. Andrew Matibiri, umqondisi wenhlanganiso ye Tobacco Industry and Marketing Board, uthi abalimi begwayi basebenze gadalala okujabulisayo okwamagama lonyaka.
Umsekeli kamphathintambo wezokulima uMnu. Seiso Moyo uthi uhulumende uyancedisa ukuthi isilimo segwayi sibe phezulu njalo legwayi elilinywayo libe ngelilohlonzi.
Ingcwethi ecubungula ezomnotho welizwe uMnumzana Rejoice Ngwenya, utshele uSithandekile Mhlanga weStudio 7 ukuthi kusobala ukuthi abalimi abanengi sebasuka ekulimeni umumbu lamazambane bayalima igwayi lona elilenzuzo engcono.