Uphenyo olwenziwe yinhlanganiso yeAfrobarometer luveza ukuba uzulu weZimbabwe oyisilinganiso samatshumi ayisikhombisa lambili ekhulwini, 72 percent, uthi ilizwe libuswa kubi.
Abayisilinganiso samatshumi amathathu lambili, 32 percent, bathi bonke kumbe abanye abasebenza ehofisini kaMongameli Emmerson Mnangagwa, okugoqela yena uMnangagwa, bakhohlakele.
Uphenyo lolu, oluphansi kwesihloko esithi, ‘Africa Insights 2024: Democracy at Rist – the People’s Perspective’ luthi njalo isilinganiso sabantu abangamatshumi amane lane ekhulwini, 44 percent, sithi ukhetho lwanyakenye aluqhutshwanga kuhle.
Enye impumela yaloluphenyo iveza njalo ukuthi amatshumi ayisithupha ekhulwini, 60 percent, athi ibutho akumelanga lingenele kundaba zombusazwe njengalokhu osokuvezwe libutho leZimbabwe kanengi, okwenze lagenqula uhulumende kamuyi uMnu Robert Mugabe ngo2017.
Abathi inkohlakalo ikhwelile nyakenye elizweni labo bangamatshumi pahose ayisithupha, 59 percent.
Ingcwethi ehlaziya ezombusazwe uMnu Effie Dlela Ncube utshele iStudio 7 ukuthi uhulumende weZimbabwe kumele asebenzise impumela yaloluphenyo ukulungisisa lapho aphambanisa khona.
Umphathintambo obona ngokwethulwa kwemibiko uMnu Janfan Muswere kaphendulanga imibuzo ayithunyelwe yilumsakazo ngaloludaba
Your browser doesn’t support HTML5
Ingxoxo loMnu Effie Dlela Ncube