EleZimbabwe likhuthazwa ukutshiyana lomkhuba wokuthenga ukudla phandle kwelizwe lithuthukise umsebenzi wokulima ngenhloso yokuthengisela emazweni kulokulima lijonge ukuthi uzulu athole ukudla okwenelayo kuphela.
Umsekeli kampathintambo ezokulima uMnu. Paddy Zhanda
Ekhuluma emhlanganweni wezokutholakala kokudla elizweni owe Feed Zimbabwe owenzelwe e Harare umsekeli kamphathintambo wezokulima umnumzana Paddy Zhanda ukhuthaze abalimi ukuba besebenze bejonge ukuthi uzulu athole okwenelayo ethi silodubo lokuzilinganisa lamanye amazwe sizithatha njengelizwe elingcono khona singenelisi ukulima okwenelana lozulu.
Uthi ele Zambia lilomumbu owenelayo sikhuluma kanje noma lalo lilomumo wonkhathi ofana lowethu waokunani kuhle kwezulu. Wathi ilizwe sikhuluma kanje lilenkomo eziyizigidi ezinhlanu 5 million, imbuzi izigidi ezedlula kancane ezintathu 3,4million izimvu zikunxenye yesigidi-500 000 lengulube ezifika ku nkulungwane ezingamakhulu amane 400 000.
Uphinde wazisa ukuba ucago lwengeze lusukela ku ma litre edlula kumatshumi amahlanu lanhlanu yezigidi 55,5 million litres ngomnyaka ka 2014 lwafika ku ma litre angamatshumi amahlanu lasikhombisa yezigidi zama litre ngomnyaka ka 2015. Inhlanganiso zabalimi zikhuthaze ukuba kwengezelelwe usekelo lwemali ukuba beqube umsebenzi wabo kakuhle.
Umnumzana Joseph Mverecha wenhlanganiso ye Bankers Association of Zimbabwe wazise ukuba ama bhanga anikeza amadollar angaba yizigidi ezingamakhulu athobamunwemunye-$900 million ngomnyaka emsebenzini wezokulima.
Wakhuthaza ukuba abalimi bavule indawo zokugcinela izilimo zabo ezama warehouse ezingasetshenjiswa njengezibambiso ngezikhathi bedinga izikwelede. UZhanda uthi abamabhanga labaphathisa ngemali kumele bemukele imphahla efana le nkomo njengesibambiso nxa abalimi bezodinga izikhwelede.
U Dokotela Richard Dafana omela inhlanganiso ezilungisa imvundiso yefertilizer ezifana le ZFC, Dorowa, Zimphos, Sable, Windmill lezinye wazise ukuba sikhuluma kanje ilizwe lilemvundiso edlula kunkulungwane ezingamatshumi athobamunwemunye-90 000 metric tones ehleli ingelamuntu oyithengayo okokuthi akudingakali ukuba ithengwe ngaphandle kwelizwe.
Amankampani alungisa imithi lemvundiso ebukisa emhlanganweni weFeed Zimbabwe eHarare
Umhlangano we Feed Zimbabwe oqoqwe ngabe Zimbabwe Agricultural Show Society bemanyene labe Buy Zimbabwe ukhuthaza ukuthuthukiswa kwezokulima ngokuthelezela njengendlela yokwengezelela isivuno.
Ungenwe zinhlanganiso ezigoqela I ZFU, Bankers Association of Zimbabwe, Met department , Agricultural Dealers and Marketers Association labe Grain Millers labanye abakumsebenzi wokulima.
Your browser doesn’t support HTML5
Udaba lwesimo sokudla elizweni siluphiwa nguMark Peter Nthambe