Ummeli weMelika eZimbabwe, uMnu. Bruce Wharton uthi lelo lizwe, kalisoze libhekane lodubo lokuqhamuka kodlakela lwezombusazwe njengakwamanye amazwe lanxa kulokukhonona okukhulu kukazulu phezu kwezombusazwe. Loku kuvele emhlanganweni obuqutshwa ngapha kweleMelika yinhlanganiso ye National Endowment for Democracy.
Lumhlangano wenziwe phansi kwesihloko esithi “The Challenges of Democratization and Economic Recovery in Zimbabwe”, okutsho ukuthi ingxaki ezenqabela umbuso kantando kazulu lokuthukuka komnotho welizwe.
UWharton uthi ele Zimbabwe liphakathi kwenguquko yenkokheli eyalwa impi yenkululeko esidlulisela intambo kubontanga, lanxa lokhu kungenzakali ngesiqubu esifiswa ngabanengi. Uqhubeke ethi olunye udubo olwenza ezombusazwe zingaqhubi ngemfanelo yikuthi inengi labangena kwezombusazwe ngelifuna ukunotha londle imuli lokuphila impilo ethe xaxa kulabanye hatshi ukungena kwezombusazwe ukuphakamisa impilo kazulu jikelele.
Usomabhizimusi, uMnu. Ibbo Mandaza utshele lumbuthano ukuthi iminyaka elitshumi esanda kwedlula ibinzima kakhulu kuzulu weZimbabwe. Ethi abantu abalolwazi kungatsha ezitshiyeneyo abayisilinganiso esingamatshumi amahlanu ekhulwini, i50 percent, sebehlala emazweni.
Omunye njalo usomabhizimusi, uMnu. Shingi Munyeza, uthi umnotho welizwe usubanjwe ngabantu abazisebenzayo. Wengeza wathi olunye udubo oselukhona ngolokuthi ukusebenzisa idola lakweleMelika kwenza intengo yempahla evela kwamanye amazwe ikakhulu, kwele South Africa lapho amandla eRand asehle khona, ibe phezulu kakhulu.
Ngimele iStudio Seven Ngu Chris Gande
Your browser doesn’t support HTML5
Udaba Silethulelwa nguChris Gande