Ingcwethi zezenotho zithi ele Zimbabwe malingakhohlwe ukuthi lizathola amabhizimusi angafuna ukuzosebenzela kilo lonyaka ngendlela elibaphatha ngayo ngalesi sikhathi ilizwe lidinga okumele bazosungula amabhizimusi ukuze liphume kusimo sokubhidlika kwezomnotho elikiso.
Lokhu kuphume emhlanganweni wabosomabhizimusi lezisebenzi phezu komthetho wezisebenzi lezomnotho welizwe oyenzelwe eHarare ngoLwesine.
Ingcwethi kwezomnotho umnumzana John Robertson utshele lumsakazo ukuba uzulu kakhohlwe ukukhangelela amabhizimusi amakhulu akwamanye amazwe ukuthi azovula imisebenzi yawo kuleli lonyaka ngoba isimo singasihle.
Umnumzana Andries Mpofu okhokhela inhlanganiso yezisebenzi ezingomakhanika bendizamtshina eye Zimbabwe Aircraft engineers association uthi umhlangano onje babone uphathisa kakhulu izisebenzi hatshi abaqatshi kuphela:
Esinye isisebenzi esingene laso kulumhlangano umnumzana Moyo uthi noma kunzima kubaqatshi okwamanje bona njengezisebenzi bafisa ukuba bethole ukuvikelwa ngumthetho we Labour Act.
Ingcitshi kweze mithetho yezisebenzi umnumzana Eliot Masunda uthi isimo umthetho oyiwo okwamanje uvikela izisebenzi sikhangela udaba lokukhuthazwa kokuvulwa kwamabhizimusi avela phandle kwelizwe. Uthi sikhuluma kanje inkampani ingaqatsha isisebenzi kuba nzima ukuba isixotshe kulowo msebenzi okokuthi sokufana lomtshado owokuthi ungangena kiwo uyabe usubotshelwe khonapho okuyinto ebangela ukuba abafuna ukuvula amabhizimusi eZimbabwe bedonde. UMpofu uthi njengezisebenzi kuqakathekile ukuba bevikeleke.
Ele Zimbabwe lisanda kuveza amabhizimusi alitshumi elilesithupha angavunyezwa ukuba abavela phandle bengawenza elizweni latshiya amabhizimusi amabili athi elemigodi lelokuvula amafekitali ayiwo athakazalelwa ngabakwamanye amazwe. Lokhu kubikwa kunyampisa abalesifiso sokuvula amabhizimusi eZimbabwe njalo kubafuqela khatshana ngoba kubavalela kusilinganiso esikhulu samabhizimusi wonke abafuna ukuwayenza.
Ingcwethi kwezenotho zithi ukulungiswa kwezinto eZimbabwe kuyadula ngenxa yemithelo lendleko yezisebenzi okokuthi kucina kusiba lula njalo kutshipile ukuthenga izinto ezilungisiweyo phandle kwelizwe zizothengiswa elizweni okuyinto engenza ukuthi abafuna ukuvula amafekiteli bevela phandle bengazihluphi.
Umhlangano wabaqatshi lezisebenzi
Uhulumende yena uthi uqakathekisa imisebenzi yokuhuga abavela phandle ukuba bezovula amabhizimusi elizweni kodwa bevale amabhizimusi okwemba asebenzela eChiadzwa ethi ufuna ukuvula ibhizimusi elilodwa elikhulu lingelika hulumende elizaquba lumsebenzi.
Your browser doesn’t support HTML5
Udaba lomhlangano wabaqatshi lezisebenzi siluphiwa nguMark P. Nthambe